Monday, March 5, 2018

हा माझा मार्ग...

१९९५-२००० - दर शुक्रवार-रविवारी कोणाच्या तरी घरी एकत्र जमून गप्पा - टप्पा - जेवण, जोरजोरात काहि गोष्टी कशा बदलता येतील ह्याच्या चर्चा,  कधी जवळपास फिरायला जाणं! वेळ मजेत जायचा!

२०००-२००५ -  मुलांच्या जन्मानंतरचे, वाढदिवसांचे, बडबडगीतांचे, काहि कारणाने एकत्र जमून पॉटलक केल्याचे अशा घरगुती मोजक्या फोटोंमधून आमच्या ग्रुपची बातमी आता आमच्या पर्यंत पोहचू लागली. आम्हिहि आपूलकीने बघून आनंदालो!

२००५-२०१० - ग्रुपमध्ये नविन चेहरे, नवीन घरांचे, गाड्यांचे, पालकांच्या भेटींचे, बाहेर फिरायला गेल्याचे, बच्चे कंपंनींचे शाळेतील बक्षीसे घेतानाचे, वाढदिवसाच्या सरप्राईज पार्ट्यांचे भरपूर प्रमाणात फोटो - व्हिडिओच्या लिंक्स आम्हाला इमेलने मिळू लागल्या.

२०१०-२०१५ - कुणाच्या तरी सरप्राईजला किंवा एकत्र जमून बॉलिवूड गाण्यांवर पध्दतशीर शिकून केलेल्या नाचांचे, गणपती - दिवाळीच्या बरोबरीनेच नविन वर्षांच्या - व्हॅलेंटाईन डे च्या थीम नुसार ठरवलेल्या ड्रेसमध्ये, पार्टयांसाठी सजवलेल्या घरांमध्ये एकमेकांना जोरजोरात चिअर्स करतानाचे, खाद्य पदार्थांच्या विविधतेचे फोटो - व्हिडिओ आता लगेचच मिळू लागले.

२०१५-२०१८ - आताच्या फोटो व्हिडिओत घरात स्पेशल डान्स फ्लोअर,  डिस्को लाईटींग, डीजे, फॉग मशीन, पायात चपला-बूट घालूनच वावरणारी लोकं, फोटो बूथ, मद्याचा वाहता ओघ, मोठ्यांनाच खेळता येतील असे खेळ आणि ह्या सगळ्या सकट दरवेळी नवनवीन थीम्स दिसू लागल्या! ह्या सगळ्या खेळाचे मोजक्या शब्दात करायचे तर म्हणता येईल ’पेज-थ्री पार्टी’!

थोडा विचार केल्यावर वाटले की मागेच कधीतरी मार्ग बदलले आहेत त्यामुळे हा विषय इथेच थांबवणे योग्य!

1 comment:

  1. थोडक्या शब्दात बदलत्या वीकएंड चे छान विश्लेषण आहे. जसे वय, जीवनशैली आणि टेकनॉलॉजि बदलत गेली तशी weekend ची पार्टी

    ReplyDelete